مرتبط با این مطلب
نایت ملودی » فرهنگ و هنر » هنر و ادب » ادبیات » شعر » شعر گیلکی با نام گاب از شیون فومنی

شیون فومنی

ﻧﻮﺧﻮﺭﺩﻧﯽ ﺩﺍﺷﺘﯽ ﺟﻪ ﻫﻮﺵ ﺷﻨﺪﻩ ﺑﻮ
ﻣﺮﺩﺍﮐﻪ ﺩﯾﻮﺍﻧﻪ ﮐﺮﻩ ﺑﻮﺳﺘﻪ ﺑﻮ
ﺧﻮ ﺍﻣﺮﺍ ﮔﻔﺘﯽ ﻣﻦ ﺍﺧﺮ ﭼﺎﻕ ﻧﯽ ﺍﻡ
ﻣﻔﺖ ﺧﻮﺭﻩ ﺍﻋﯿﺎﻧﻪ ﻗﺮﻣﺴﺎﻍ ﻧﯽ ﺍﻡ
ﻣﯽ ﭘﺎ ﺍﮔﺮ ﮐﺞ ﺑﺸﻪ ﺭﺍﺳﺖ ﺷﻪ ﻣﯽ ﺩﺳﺖ
ﺩﻭﺧﺎﻟﻪ ﭼﻮﺑﻢ ﮐﯽ ﺧﻮﺭﻡ ﮐﺲ ﺑﻪ ﮐﺲ
ﺳﯿﺒﯿﻞ ﻧﺎﺭﻡ ﺑﺮﻩ ﺑﻨﺎﮔﻮﺵ ﺑﺒﻪ
ﻫﺮﺗﺎ ﻧﻔﺲ ﮐﺶ ﻣﯽ ﻭﯾﺠﺎ ﻣﻮﺵ ﺑﺒﻪ
ﻣﺤﺮﻣﺎﻥ ﺩﺳﺘﻪ ﺑﺒﻢ ﻋﻠﻤﺪﺍﺭ
ﺩﺍﺩ ﺑﺰﻧﻢ ﻭﺍﺭﮔﺎﻧﻪ ﺯﻥ ﺷﮑﻤﺪﺍﺭ
ﻻﺗﻪ ﺣﺮﺍﻡ ﺯﺍﺩﻩ ﺗﻮﺧﻢ ﮐﯽ ﻧﯽ ﺍﻡ
ﻧﻮﭼﻪ ﯼ ﺷﻌﺒﺎﻥ ﺑﯿﻤﺨﻢ ﮐﯽ ﻧﯽ ﺍﻡ
ﺁﺏ ﻧﯿﺪﯾﻨﻪ ﺑﻪ ﺳﺎﻝ ﻭ ﻣﺎﻩ ﻣﯽ ﺗﻨﻪ
ﻗﻮﻟﻨﺞ ﮐﺮﻩ ﺍﯾﺸﮑﺎﻧﻪ ﻣﯽ ﮔﺮﺩﻧﻪ
ﭘﻨﺞ ﺩﺍﻧﻪ ﺍﻧﮕﻮﺷﺘﻪ ﺩﯾﻨﯽ ﺩﺭﺩﻩ ﭘﭻ
ﺳﺒﺞ ﺩﻭﺑﻪ ﻣﯽ ﯾﻘﻪ ﺭﻩ ﺭﺝ ﺑﻪ ﺭﺝ
ﻣﯽ ﺩﯾﻢ ﻫﺘﻮﯾﻪ ﺯﺭﺩﻩ ﭼﻮﺑﻪ
ﺩﺭﺍﺯﻩ ﺭﻭﺯ ﻣﯽ ﮐﺎﺭ ﺑﻮﺩﻭ ﻭﺍﺩﻭﯾﻪ
ﺍﺏ ﻧﺎﻭﺍﺭﻩ ﻣﯽ ﺭﯾﺸﻪ ﺩﺭﻭﯾﺶ ﺑﺒﻢ
ﯾﺎ ﺑﺘﺎﺷﻦ ﻣﯽ ﺭﯾﺸﻪ ﺑﯽ ﺭﯾﺶ ﺑﺒﻢ
ﻧﺎﺯﮎ ﭘﯿﺮﻫﻦ ﺩﻭﮐﻮﻧﻢ ﺗﺎﺑﺴﺘﺎﻥ
ﮐﺎﭘﺸﻦ ﺁﻣﺮﯾﮑﺎﯾﯿﻪ ﺯﻣﺴﺘﺎﻥ
ﻣﯽ ﭘﺮﻩ ﻓﺎﻧﺪﻡ ﻣﯽ ﺑﯿﻨﯿﺸﺘﻪ ﺟﺎﯾﻪ
ﺩﺍﺧﻞ ﺍﺩﻡ ﻧﺎﺩﺍﻧﻢ ﺩﻭﻧﯿﺎﯾﻪ
ﺑﺰﯾﻦ ﺑﺒﻢ ﮐﺎﺭﮔﺮﻩ ﻫﻮﺍﺩﺍﺭ
ﻣﺮﮒ ﺑﻪ ﮐﺎﺭﻓﺮﻣﺎ ﺑﺒﻪ ﻣﯽ ﺷﻮﻋﺎﺭ
ﯾﺎ ﺗﺎﻭﺍﺩﻡ ﺩﺳﻤﺎﻟﻪ ﯾﺰﺩﯼ ﻣﯽ ﺩﻭﺵ
ﻫﯽ ﺑﺰﻧﻢ ﺁﻫﯿﻨﻪ ﺳﺮﺩﻩ ﭼﻮﮐﻮﺵ
ﮐﻔﺸﻪ ﺑﺨﻮﺍﺑﻪ ﻓﻮﺳﯿﻨﻢ ﮔﺮﺗﺎﮔﺮﺕ
ﯾﺎﻝ ﻭﺍﮐﻮﻧﻢ ﻣﯿﺪﺍﻥ ﺳﺮ ﺯﺭﺗﺎﺯﺭﺕ
ﻫﻔﺖ ﻫﺸﺘﺎ ﺳﻨﮕﮓ ﺑﺒﻪ ﻣﯽ ﺻﻮﺑﺤﺎﻧﻪ
ﺳﯽ ﭼﻞ ﺗﺎ ﻗﻮﻟﻮﻩ ﺑﻮﺧﻮﺭﻡ ﻋﺼﺮﺍﻧﻪ
ﮔﻮﺭﺧﺎﻧﻪ ﻭﺍﺭ ﮔﺎﻟﻮﺵ ﻣﯿﺸﯿﻦ ﺑﺘﺮﮐﻪ
ﺭﺍﺩﻭﺍﺭﻩ ﺯﻫﺮﻩ ﺑﺰﯾﻦ ﺑﺘﺮﮐﻪ
ﻣﯽ ﮐﺎﺭ ﻧﻪ ﮐﻼﺷﯽ ﻧﻪ ﻓﺮﺍﺷﯿﻪ
ﭘﯿﻠﻪ ﺗﻮﺳﻪ ﺩﺍﺭﺍﻧﻪ ﻧﻮﺏ ﺗﺎﺷﯿﻪ
ﺻﺐ ﻭﯾﺮﯾﺰﻡ ﮐﻼﭺ ﻧﻮﮔﻔﺘﻪ ﻏﺎﺭ ﻏﺎﺭ
ﺗﺎ ﺑﻮﻕ ﺳﮓ ﮔﺮﻣﻪ ﺍﻣﯽ ﺳﺮ ﺑﻪ ﮐﺎﺭ
ﮐﺞ ﺯﻧﻤﻪ، ﺭﺍﺳﺖ ﺯﻧﻤﻪ، ﻣﻮﺷﺖ ﺯﻧﻢ
ﺍﯾﭙﭽﻪ ﻣﯽ ﮔﻮﺷﻪ ﺧﻮﻟﻪ ﺍﻧﮕﻮﺷﺖ ﺯﻧﻢ
ﺗﺎ ﺑﺎﯾﻪ ﺳﺮ ﺑﻪ ﺗﺎ ﺍﯾﺠﻮﺭ ﮐﺎﺭ ﻣﯿﺸﯿﻦ
ﺑﺰﯾﻦ ﻧﻬﻢ ﺩﺍﺱ ﻭ ﭼﻮﮐﻮﺷﻪ ﺯﻣﯿﻦ
ﺳﺠﯿﻞ ﻓﮕﯿﺮﺍﻧﻪ ﺧﻮﺩﺍ ﻧﺴﺎﺯﻩ
ﺑﺰﯾﻦ ﻣﺮﻩ ﮔﻪ ﺗﯽ ﺯﺑﺎﻥ ﺩﺭﺍﺯﻩ
ﮔﺎﻭﻡ ﺁﺧﺮ ﻧﺎﻡ ﺑﻮ ﻣﺮﻩ ﺑﯿﮕﯿﻔﺘﯽ
ﺩﺱ ﺩﺳﯽ ﻣﯽ ﺟﺎﻧﻪ ﺑﻼ ﺑﯿﮕﯿﻔﺘﯽ
ﺗﺮﻧﻪ ﻣﯿﺸﯿﻦ ﮔﺎﺏَ ﺷﯿﺒﺎﻫﺖ ﺩﺍﯾﯽ
ﻓﺮﻧﻪ ﻣﯿﺸﯿﻦ ﮔﺎﺑﻪ ﺷﯿﺒﺎﻫﺖ ﺩﺍﯾﯽ
ﻣﯽ ﮐﻮ ﺟﯿﮕﺎ ﻣﻦ ﺍﯾﺘﺎ ﺳﺎﻣﺎﻥ ﻧﺎﺭﻡ
ﺷﺎﺥ ﺩﺍﺭﻣﻪ؟ ﺩﻭﻡ ﺩﺍﺭﻣﻪ؟ ﺛﻮﻡ ﺩﺍﺭﻡ؟
ﺧﺐ ﻣﺮﻩ ﯾﺎﺩﻩ، ﮐِﺨﻮﺩﺍ ﺧﺎﻧﻪ ﺑﻮ
ﺧﺮﺍﺏ ﺷﺪﻩ ﺧﺎﻧﻪ ﻣﯿﺎﻥ ﺟﺎ ﻧﻮﺑﻮ
ﻓﻮﺯﻭﻥ ﻓﻮﺗﻮﺭﮐﺎﻥ ﻓﺎﺭﺳِﻢ ﻫﺮِﻩ ﺟﯿﺮ
ﻣﺮﻩ ﺧﯿﺎﻟﯽ ﮐﯽ ﻫﺴﺎﯾﻪ، ﺳﯿﻪ ﺗﯿﺮ
ﺗﺎﺯﻩ ﻣﺼﺪﻕ ﺑﺎﻣُﺒﻮ ﺭﻭﯼ ﮐﺎﺭ
ﻗﻮﺍﻡ ﺯﯾﯽ ﻭﺭ ﺭﻭﺧﺎﻧﻪ ﺑﯿﮕﻮﺩﺍﺭ
ﺩﺭﺑﺎﺭﻩ ﻣﯿﻠﺖ ﺑﺪﺍﺑﻮ ﮔﻮﺑﺨﻮﺭ
ﺟﺎ ﺑﺰﻩ ﺑﻮ ﺷﺎﯾﻪ ﭘﺪﺭ ﮔﻮﺭ ﺑﻪ ﮔﻮﺭ
ﺳﺠﯿﻞ ﻓﮕﯿﺮﺍﻥ ﺗﺘﺮﺝ ﻧﯿﺸﺘﻪ ﺑﯿﺪ
ﻧﯿﻤﮑﺖ ﺳﺮ ﺩﻓﺞ ﺩﻓﺞ ﻧﯿﺸﺘﻪ ﺑﯿﺪ
ﺷﻮﺗﻮﺭ ﺑﺎ ﺑﺎﺭ ﺑﺴﺘﯽ ﺍﻭ ﺧﺎﻧﻪ ﺍﺑﯿﺮ
ﺳﻮﺯﻥ ﻧﺸﺎﺳﺘﯽ ﺗﺎﻭﺍﺩﺍﻥ ﻫﺮِﻩ ﺟﯿﺮ
ﺳﻼﻡ ﺑﻮﮔُﻔﺘﻢ ﺍﻭﺷﺎﻧﻪ ﺧﻮﺵ ﻧﺎﻣﻮ
ﻣﯽ ﺩﻫﻨﻪ ﺳﯿﺮ ﺍﻭﺷﺎﻧﻪ ﺧﻮﺵ ﻧﺎﻣﻮ
ﺍﯾﺌﺎﺭ ﺍﯾﺘﺎ ﺩﺍﺩ ﺑﺰﻩ ﺍﯾﻦ ﮔﺎﻭ ﮐﯿﻪ؟
ﻫﻤﻪ ﺑﮕُﻔﺘﯿﺪ ﺍﻧﻪ ﺳﯿﻢ ﻗﺎﻃﯿﻪ !
ﺍﺳﺎ ﭼﯽ ﺑﻮ؟ ﻣﯽ ﻧﯿﻢ ﺗﻨﻪ ﭘﺎﺭﻩ ﺑﻮ
ﮐﻤﺮ ﺑﯿﺠﯿﺮﻩ ﻣﯿﺸﯿﻨﻪ ﭼﻮﻝ ﻭﺍﻭﻭ
ﺣﻖ ﻭ ﺣﯿﺴﺎﺏ ﺑﺨﻮﺍﺳﺘﯿﺪﯼ ﻓﺎﻧﺪﺍﻣﻪ
ﺩﻭﻍ ﻭ ﺩﻭﺷﺎﺏ ﺑﺨﻮﺍﺳﺘﯿﺪﯼ ﻓﺎﻧﺪﺍﻣﻪ
ﯾﻌﻨﯽ ﺍﮔﺮ ﺑﺪﺍﺷﺘﯿﻤﯽ ﺟﺎ ﺩﺍﻣﯽ؟
ﺧﻮﺩﺍ ﺩﺍﻧﻪ ﯾﮏ ﺷﯽ ﻭﺳﯿﻦ ﺳﮓ ﺯِﯾﯿﻢ
ﺑﮕُﻔﺘﻤﻪ ﮔﺎﻭ ﺍﺯ ﺷﻤﺎ ﺑِﺨﺘﺮﻩ
ﻫﯿﺰﺍﺭ ﺟﻮﺭﯼ ﻧﺎﺯﻩ ﻣﺮﺍ ﻣﯿﺒﺮﻩ
ﺧﯿﺎﻝ ﮐﻮﻧﯿﺪ ﻧﺎﻧﻪ ﻣﺮﺍ ﻣﯿﺪﺧﯿﺪ؟
ﻧﯿﺸﺘﻪ ﺑﻮﺟُﺮ، ﺷِﻤﺮِﻩ ﻣﺮﻩ ﺩﺍﺩ ﺯﻧﯿﺪ؟
ﮐﭙﭻ ﺍﻭﺷﺎﻥ ﻧﻮﺑﻮ ﻭﻟﯽ ﺑﺎﺏ ﺑﺎﻣﻮ
ﻣﯽ ﻓﺎﺭﺳﯽ ﻫﻢ ﺧﺐ ﻧﻮﺑﻮ ﮐﻮﺗﺎﻩ ﺑﺎﻣﻮﻡ
ﮔﺎﺯ ﺍﯾﺸﮑﺮﻩ ﮐﻮﻧﺎﻥ ﻭﯾﺮﯾﺸﺘﯿﺪ ﻣﺮﻩ
ﻟﺞ ﻟﺠﻪ ﺳﺮ ﮔﺎﻭ ﺑﯿﻨﯿﺒﯿﺸﺘﯿﺪ ﻣﺮﻩ
ﮐِﺨﻮﺩﺍﯾﻢ ﺩﺱ ﺁﺳﯿﻨﻪ ﻻ ﺑﺰﻩ
ﺯﺭﺗﯽ ﻣﺮﻩ ﮔﺎﻭﮐﯽ ﺍﯾﻤﻀﺎ ﺑﺰﻩ
ﺍﻭ ﺯﺭﺩﻩ ﺭﯾﺸﻪ ﺭﻩ ﺧﻮﺩﺍ ﻧﺴﺎﺯﻩ
ﺑﺰﯾﻦ ﻣﺮﻩ ﮔﻪ ﺗﯽ ﺯﺑﺎﻥ ﺩﺭﺍﺯﻩ
ﺍ ﻣﺮﺩﻭﻣﺎﻧﻢ ﮐﯽ ﺩﻫﻦ ﭼﺎﮐﯿﺪﯼ
ﻭﻗﺖ ﺑﯿﺎﻓﯿﺪ ﻫﻤﻪ ﺗﺎ ﺿﺤﺎﮐﯿﺪﯼ
ﺁﺁﺁﺥ، ﺗﻮ ﻧﺎﻧﯽ ﭼﯽ ﮐِﺸِﻪ ﺍﯾﻢ ﺍﻭ ﺭﻭﺯﺍﻥ
ﻧﺸﻨﻔﻪ ﮐﺎﻓﺮ ﻧﯿﺪﯾﻨﻪ ﻣﻮﺳﻠﻤﺎﻥ
ﺷﺐ ﺗﺎ ﺻﺒﺤﻪ ﺯﺭ ﺍﯾﺘﺎ ﭼﻮﻡ ﻧﻮﺧﻮﻓﺘﯿﻢ
ﻧﯿﺸﺘﯿﻤﻮ ﻫﯽ ﻣﯽ ﺩﯾﻠﻪ ﺍﻣﺮﺍ ﮔﻮﻓﺘﯿﻢ
ﺍﻥ ﺗﺮﻩ ﺑﯿﺸﺘﺮ ﮐﻮﻧﻪ ﺩﯾﻞ ﻧﺎﮔﯿﺮﺍﻥ
ﭼﺮﺗﯽ ﻫﻮﺍﺩﺍﺭ ﻧﯿﯿﺪ ﺍ ﺷﺎﻋﺮﺍﻥ
ﯾﻌﻨﯽ ﯾﺎ ﺯﻧﺪﺍﻥ ﺍﯾﺴﺎﺑﯿﺪ ﯾﺎ ﻏﺮﺑﺖ
ﻩّ ﺩﻭﺗﺎ ﺟﺎﯾﻪ ﮔﯿﻼﻧﯽ ﺑﻪ ﺯﺣﻤﺖ
ﺍﻟﺒﺎﻗﯽ ﺍﻡ ﮔﻮﺷﻪ ﻧﯿﺸﯿﻦ ﺑﯿﺪ ﻫﻤﻪ
ﯾﺎ ﮐﯽ ﺟﻪ ﺳﺮﻧﯿﺰﻩ ﮐﻮﺩﯾﺪ ﻭﺍﻫﻤﻪ
ﻣﻤﺪﻟﯽ ﺍﻓﺮﺍﺷﺘﻪ، ﺣﻮﺳﻦ ﮐﺴﻤﺎﯾﯽ
ﻣﯿﺮﺯﺍ ﮐﻮﭼﯿﺨﺎﻧﻪ ﻧﻔﺲ ﻓﺨﺮﺍﯾﯽ
ﻏﻼﻣﺮﺿﺎ ﻣﺮﺍﺩﯾﻪ ﺑﯿﻮﻓﺎ، ﻣﺠﯿﺪﯾﺎﻥ ﺷﺎﻋﺮ ﺻﻮﻣﻌﻪ
ﺳﺮﺍ
ﻧﺴﯿﻤﻪ ﮔﯿﻼﻧﻪ ﮐﺸﻪ ﺷﻬﻨﺎﺯﯼ
ﺍﻭﻥ ﮐﯽ ﺧﻮ ﻋﻤﺮﻩ ﭘﻮﭼﻪ ﮐﻮﺩ ﺳﺮﺑﺎﺯﯼ
ﭘﯿﺮﮐﺎﺭﯼ ﻫﻢ ﻩّ ﺩﺭﺩﻩ ﻣﻮﺑﺘﻼﯾﻪ
ﺗﺎ ﻭﻗﺘﯽ ﮐﯽ ﺳﺮﺑﺎﺯﻩ ﺑﯽ ﺻﺪﺍﯾﻪ
ﻣﻮﺭﺍﺩﯾﺎﻧﻪ ﮐﺘﺎﺑﻪ ﺍﯾﺠﮕﺮﻩ
ﺍﻭﻧﻢ ﻧﺸﺎ ﺩﻥ ﺍ ﺭﻭﺯﺍﻥ ﻫﯿﺰﺭﻩ
ﺗﯿﻤﻮﺭ ﮔﺮﮔﯿﻦ ﺍﻭﻥ ﺍﻧﻪ ﺷﮕﺮﺩﻩ
ﺗﻬﺮﺍﻥ ﺍﯾﺴﺎ ﺗﻬﺮﺍﻧﻪ ﮔﯿﻠﻪ ﻣﺮﺩﻩ
ﻓﺎﺭﺳﯽ ﮐﺮﻩ ﻗﻮﺭﻕ ﮐﻮﻧﻪ ﺧﻮﻣﺎﻣﻪ
ﻧﺎﻧﻢ ﭼﺮﻩ ﻓﺎﺭﺳﯽ ﺑﻨﺎ ﺧﻮ ﻧﺎﻣﻪ
ﺭﺣﻤﺖ ﻣﻮﺳﻮﯼ ﺍﻣﯽ ﺳﺮﻭﺭﻩ
ﮔﯿﻠﮑﯽ ﺷﻌﺮ ﺍﮔﺮ ﻧﮕﻪ ﺑِﺨﺘﺮﻩ
ﻣﺎﻟﯽ ﺍﻡ ﻏﺰﻝ ﻧﯿﻮﯾﺸﺘﺎﻧﺪﺭﻩ
ﻏﺰﻝ ﻏﺰﻝ ﻋﺴﻞ ﻭﻟﯿﺸﺘﺎﻧﺪﺭﻩ
ﻋﻠﯽ ﺧﻮﺩﺍﺟﻮ ﮔﯿﻠﮑﯽ ﺑﺪ ﻧﯿﮕﻪ
ﺍﻣﺎ ﺩﺍﻧﻢ ﺧﻮ ﻓﺎﺭﺳﯽ ﺍﻧﻘﺪ ﻧﯿﮕﻪ
ﻓﺮﯾﺪﻭﻥ ﻧﻮﺯﺍﺩﻡ ﺍ ﻣﯿﺎﻧﻪ
ﺧﯿﻠﯽ ﺯﻣﺎﻧﻪ ﻣﺮﻩ ﺗﺎﺳﯿﺎﻧﻪ
ﺩﺍﯾﯽ ﺍﺑﻞ ﻗﺎﺳﻢ ﻣﻨﺘﻈﺮﯼ
ﺍﻭﻧﻢ ﻧﺎﺭﻩ ﺣﻮﺻﻠﻪ ﺷﺎﻋﺮﯼ
ﺑﺎﺭﻭﺭ ﺍﻧﺰﻟﯽ ﺍﻡ ﻫﺘﻮﯾﻪ
ﺩﺍﺋﻢ ﺩﻭﮐﺎﻧﻪ ﻣﯿﺰ ﭘﻮﺷﺖ ﻭﻟﻮﯾﻪ
ﺍﯾﺘﺎﻡ ﺍﯾﺴﺎ ﮐﯽ ﻣﻦ ﻭ ﺍﻭﻥ ﻗﺎﺭﯾﻤﯽ
ﮐﺲ ﮐﺲ ﺍﯾﻨﮕﺎﺭ ﮐﯽ ﻃﻠﺒﮑﺎﺭﯾﻤﯽ
ﺩﻩ ﮐﻪ ﺑﮕﻢ ﺗﺎ ﻧﺸﻪ ﻣﯽ ﺳﺮ ﮐﻮﻻ
ﻫﺎ ﻣﺮﻩ ﯾﺎﺩ ﺑﺎﻣﻮ، ﺳﯿﺪ ﺷﺮﻑ ﺷﺎﻩ
ﺧﻮﻻﺻﻪ ﻫﯿﺸﮑﯽ ﻣﯽ ﺩﯾﻠﻪ ﻧﻮﮔﻮﻓﺘﯽ
ﭘﯿﺴﻪ ﮐﻼﭼﻢ ﻣﯽ ﺳﺮﻩ ﻓﻮﮐﻮﻓﺘﯽ
ﺍﺯ ﺷﯿﻤﯽ ﺑﺪﺗﺮ ﺍﺩﻣﺎﻥ ﻧﺎﻡ ﺍﺑﯿﺮ
ﻣﺮﺩﻭﻣﻪ ﺧﺎﻧﻪ ﭘﻼ ﺑﻮﺷﻘﺎﺏ ﻓﮕﯿﺮ
ﮐﻮﭼﻪ ﺳﺮﻩ ﭘﺲ ﺑﯿﮕﺎﺩﻩ ﺯﺍﮎ ﻭ ﺯﻭﮎ
ﺟﻪ ﺭﺍﻩ ﺳﺮﻩ ﺳﮓ ﻫﺘﻮ ﺗﺎ ﺧﺮﺱ ﻭ ﺧﻮﮎ
ﺗﺎﺕ ﻭ ﺍﯾﻼﺕ ﻭ ﺍﻭﺭﻭﺱ ﻭ ﺍﺭﻣﻨﯽ
ﻣﯽ ﺷﻤﯿﻠﻪ ﻫﻪ ﺷﯿﻮﻥ ﻓﻮﻣﻨﯽ
ﺣﻤﺎﻡ ﺧﻮﺱ ﻭ ﻗﺒﺮ ﺳﺮ ﺣﻠﻮﺍ ﺧﻮﺭ
ﺻﺎﺧﺎﻧﻪ ﺧﺪﻣﺘﮑﺎﺭﻩ ﺯﺍﯼ، ﮐﻮﻥ ﻧﺸﻮﺭ
ﺟﻪ ﺩﺍﺩ ﺑﯿﮕﯿﺮ ﺗﺎ ﻓﺎﺭِﺳﯽ ﺑﻪ ﻓﺮﯾﺎﺩ
ﻫﺮﮐﯽ ﺟﻪ ﺭﺍﻩ ﺑﺎﻣﻮ ﻣﺮﻩ ﮔﺎﺏ ﺩﻭﺧﺎﺩ
ﺩﺭﺩﺳﺮِ، ﻫﭽﯿﻦ ﻧﺪﻡ ﺩﺭﺍﺯﻩ
ﺳﺠﯿﻞ ﻓﮕﯿﺮﺍﻧﻪ ﺧﻮﺩﺍ ﻧﺴﺎﺯﻩ
ﺑﻌﺪ ﻫﯿﺰﺍﺭ ﺟﻮﺭ ﺑﯿﺮﻭﻧﻪ ﺟﺎﻥ ﮐﻨﺶ
ﺧﺎﻧﻪ ﺯﻧﺎﯼ ﮔﺎﻭّ ﮐﻮﺩﯼ ﺳﺮﺯﻧﺶ
ﮔﻮﻓﺘﯽ ﮔﺎﻭﻡ ﻧﺎﻡ ﺑﻮ ﺗﺮﻩ ﻓﯿﮕﯿﻔﺘﯽ
ﺩﺱ ﺩﺳﯽ ﺗﯽ ﺟﺎﻧﻪ ﺑﻼ ﺑﯿﮕﻔﺘﯽ
ﭼﻘﺪ ﺗﯽ ﻭﺳﯿﻦ ﺑﻮﺧﻮﺭﻡ ﺳﺮﻓﮑﻮ
ﻣﯽ ﺟﻮﺍﻥ ﺟﺎﻥ ﺍ ﻣﯿﺎﻥ ﺁﺏَ ﺑﻮ
ﺧﺎﻧﻪ ﻧﺸﯿﻦ ﺑﺒﻢ ﻟﻮﻗﺎﺯﻩ ﻭﺳﯿﻦ
ﺑﯿﺮﻭﻥ ﻧﺸﻢ ﺧﻠﻘﻪ ﮔﻮﻻﺯﻩ ﻭﺳﺘﯿﻦ
ﻣﻮﺵ ﮐﯽ ﻧﯽ ﺍﻡ ﺗﺎ ﻭﺍﻟﯿﺴﻢ ﻣﯽ ﭘﺎﯾﻪ
ﻣﯽ ﺩﻭﺗﺎ ﭼﺸﻢ ﺑﻮﺩﻭﺟﻢ ﻫﻮﺍﯾﻪ
ﺟﻮﺍﻧﻪ ﺯﺍﯼ ﻣﯿﺸﯿﻦ ﺑﻮﺑﻮﺳﺖ ﮔﻮﺷﻪ ﮔﯿﺮ
ﺧﻮ ﻫﻤﺴﻼﻣﺎﻧﻪ ﻭﯾﺠﺎ ﺳﺮ ﺑﺠﯿﺮ
ﻻﺑﺪ ﺍﻻﻥ ﮐﯽ ﺍ ﺗﻮ ﺩﺭﻣﺎﻧﺪﻩ ﯾﻪ
ﻓﺮﺩﺍ ﻫﻮ ﺑﯿﭽﺎﺭﻩ ﻧﺎﻣﻢ ﻣﺎﻧﺪﻩ ﯾﻪ
ﺧﻮﺑﻪ ﺍﯾﺮﻭﺯ ﺗﺎﯾﻪ ﺑﯿﺪﯾﻨﻢ ﺗﺮﻩ
ﻣﻮﻓﺖ ﺧﻮﺭﺍﻧﻪ ﺳﻔﺮﻩ ﺩﯾﭽﯿﻨﻢ ﺗﺮﻩ
ﭘﻼ ﻋﻼﻭﻩ ﮐﻮﻧﻤﻪ ﺍﯾﻮﺍﻧﻪ
ﺧﻮﺏ ﻓﻮﺷﻮﺭﻡ ﺍﻭﺗﺎﻕ ﮐﯽ ﻧﻪ ﺯﻧﺪﺍﻧﻪ
ﺩﺭﺟﮑﺎﻧﻪ ﻻﺑﺪﺍﻧﻪ ﺗﺎﺭﻩ ﮔﯿﺮﻡ
ﻟﺘﻪ ﻣﺮﻩ ﺷﯿﺸﺎﻧﻪ ﺟﺎﻧﻪ ﮔﯿﺮﻡ
ﺍﺻﻠﻪ ﮐﺎﺭﯼ ﺳﺠﯿﻞ ﻓﮕﯿﺮﺍﻧﯿﺪﯼ
ﺍﻭ ﭼﺸﻢ ﻭ ﺩﯾﻞ ﺑﻮﺷﻮ ﺻﻐﯿﺮﺍﻧﯿﺪﯼ
ﮐِﺨﻮﺩﺍ ﺍﺩﻡ ﻧﻔﺮﻧﻢ ﺩﻭﺧﺎﻥ
ﺗﺎ ﺗﺎﻧﯽ ﺍ ﺷﺮﺭّ ﺟﻪ ﺗﯽ ﺳﺮ ﺍﻭﺳﺎﻥ
ﺑﻮﮔﻮ ﺷﻮﻣﺎ ﺭﺍ ﺑﻪ ﻭﻻﯾﻪ ﻋﻠﯽ
ﮔﺎﻭﺍ ﺍﻭﺳﺎﻥ ﺑﻨﻪ ﻣﯽ ﻧﺎﻣﻪ ﻗﻮﻟﯽ
ﻗﺮﺍﺭ ﺑُﺒﻮﺳﺘﻪ ﺩﯾﭽﯿﻨﯿﺪ ﺗﺸﮑﯿﻼﺕ
ﺳﺠﯿﻞ ﻓﮕﯿﺮﺍﻧﻪ ﺑﺪﯾﺪ ﺳﻮﺭ ﻭ ﺳﺎﺕ
ﮔﺮﻭ ﺑﻮﺷﻮ ﮔﺎﻭﻩ ﺯﻧﻪ ﮔﻮﺷﻮﺍﺭﻩ
ﺧُﺮِﻩ ﺑﯿﺪﻩ ﺑﯿﭽﺎﺭﻩ ﺁﺑﻨﮕﺎﺭﻩ
ﻇﺮﻑ ﻭ ﻇﺮﻭﻑ ﻫﻤﺴﺎﺩﻩ ﯼ ﻗﺮﺿﻪ ﮔﯿﻔﺖ
ﻫﺮﭼﯽ ﺍﻡ ﮐﻢ ﺩﺍﺷﺘﯽ ﺩﺳﻨﺠﺎﺭ ﻓﮕﯿﻔﺖ
ﻧﻤﮏ ﭘﺎﺷﻮ ﻭ ﻧﻤﮏ ﯾﺎﺭ ﻭ ﻣﻮﺷﺘﻪ ﺳﻨﮓ
ﻗﺎﺑﻠﻤﻪ ﻭ ﺗﺸﺖ ﻭ ﺗﺎﺯﺍﻥ ﻭ ﻫَﻮَﻧﮓ
ﺗﻮﻧﮕﯽ ﻭ ﺑﻮﺷﻘﺎﺏ ﻻﺟﻮﺭﺩﯼ ﺑﻮﻟﻮﺕ
ﻣﻦ ﭼﻪ ﺩﺍﻧﻢ ﺩﯾﺎﺭﻩ ﺯﻧﮕﯽ، ﻓﻮﻟﻮﺕ
ﺁﻓﺘﺎﺏ ﻟﮕﻦ ﻣﺮﺳﯽ ﻭ ﮐﺎﺳﻪ ﻣﺎﺳﻪ
ﺭﻭﺩﻩ ﺩﺭﺍﺯﯼ ﻧﻮﮐﻮﻧﻢ ﺧﻮﻻﺻﻪ
ﺳﻔﺮﻩ ﺩﯾﭽﻪ ﭼﯽ ﺳﻔﺮﻩ
ﺭﺍﺱ ﺭﺍﺳﯽ ﻫﺰ ﮐﻮﺩﯼ ﺍﺩﻡ ﺍﻭﻧﻪ ﻓﺎﻧﺪﯾﺮﺳﺘﯽ
ﺁﺑﮑﺶ ﭘﻼ ﺳﻔﺮﻩ ﯼ ﻏﻤﺰﻩ ﮐﻮﺩﯼ
ﻗﯿﻤﻪ ﻣﺮﻩ ﺍﺩﻣﻪ ﻣﺰﻩ ﮐﻮﺩﯼ
ﺗﺮﻩ ﻧﻮﺍﺳﺘﻨﻪ ﻫﺴﺎ ﺍﻧﺎﺭﺑﯿﺞ
ﺗﺎﺯﻩ ﺑﺰﻩ ﻣﺎﺳﺘﻪ ﺑﺮﻩ ﺳﯿﺮﺍﺑﯿﺞ
ﭼﺨﻠﺘﻤﻪ ﻋﻄﺮ ﺍﻭﺳﺎﺩﯼ ﺗﯽ ﺳﺮﻩ
ﻟﻮﭼﺎﻥ ﺯﯾﯽ ﻓﺴﻨﺠﻮﻧﻪ ﭼﻨﮕﺮﻩ
ﺳﯿﺐ ﺯﯾﻤﯿﻨﯽ ﮐﻮﮐﻮ، ﺁﻟﻮﻣﻮﺳﻤﺎ
ﻣﺎﺳﺖ ﺑﻮﺭﺍﻧﯽ، ﻭﺭﻗﻪ، ﻭﺍﻭﯾﺸﮑﺎ
ﺗﻮﺭﻧﮕﻪ ﺳﯿﺮﻩ ﻗﻠﯿﻪ، ﺗﺎﺳﮑﺒﺎﺏ
ﺍﻣﯽ ﻣﯿﺎﻧﻪ ﺑﻤﺎﻧﻪ ﺳﻮﺭﺧﻪ ﺁﺏ
ﭼﺎﭘﺎﻗﻪ ﺳﯿﻢ، ﺍﺷﭙﻠﻪ ﻣﺎﻫﯽ ﺭﻭﺩﻩ
ﻓﯿﻔﯿﺞ ﻣﺎﻫﯽ ﺧﻮﺭﺩﻧﻪ ﻣﻮﻗﻊ ﺯﻭﺩﻩ
ﺷﻮﺭﻩ ﮐﻮﻟﯽ ﺗﻮﺭﺷﻪ ﺗﺮﻩ ﻣﺰﻩ ﯾﻪ
ﻫﺘﻮ ﮐﯽ ﭘﺴﺖِ ﺷﯿﺮﯾﻨﯽ ﻣﺰﻩ ﯾﻪ
ﺑﺎﻗﺎﻻ ﻗﺎﺗﻮﻗﻪ ﻣﺮﻩ ﺩﺳﭙﯿﭻ ﻣﺎﻫﯽ
ﮐﺸﻪ ﺑﻪ ﻣﯿﺮﺯﺍﻗﺎﺳﻤﯽ ﺗﻨﻬﺎﯾﯽ
ﮐِﺨﻮﺩﺍﯾﻪ ﺍ ﺟﻮﺭ ﺟﺎﯾﺎﻥ ﭼﺮﭼﺮﻩ
ﻗﺘﯿﻞ ﺑﺎﻟﻔﻄﺮﻩ ﭘﻼ ﺳﺮﺳﺮﻩ
ﺍﺳﺘﮑﺎﻧﺎﻥ ﮐﻤﺮ ﺑﺎﺭﯾﮏ ﻟﺐ ﻃﻼ
ﺟﯿﺮﯾﻨﮓ ﺟﯿﺮﯾﻨﮓ، ﺳﻼﻣﺘﯿﻪ ﺷﻮﻣﺎ
ﻣﻬﻤﺎﻧﺎﻧﻪ ﮐﯿﻒ ﮐﯽ ﻗﺸﻨﮓ ﺳﺎﺯﺍ ﺑﻮ
ﮐﻮﮐﻮ ﻭﺍﮔﺮﺩﺳﺘﻪ ﺷﯿﺶ ﺍﻧﺪﺍﺯﺍ ﺑﻮﻭ
ﺧﺎﮐﺒﺴﺮﺍﻥ ﻧﺎﻡ ﺑﻨﺎﯾﯿﺪ ﮔﻮﺳﺎﻟﻪ
ﺟﻪ ﭼﺎﻩ ﺟﯿﻮﯾﺸﺘﻪ ﺩﮔﺎﺩﯾﺪ ﺑﻪ ﭼﺎﻟﻪ
ﺳﺮ ﭼﺮﺍﻏﻪ ﻫﺴﺎ ﮔﺎﻭﻩ ﺧﺎﻧﻪ
ﻣﻬﻤﺎﻧﯽ ﻻﻑ ﺩﮐﻔﺘﻪ ﺗﺎﺳﯿﺎﻧﻪ
ﭼﯽ ﻣﻬﻤﺎﻧﯽ، ﺳﻔﺮﻩ ﯼ ﺣﻀﺮﺕ ﺑﻮﮔﻮ
ﺷﯿﺮﻩ ﺳﺘﻢ ﺷﺎﻻﻧﻪ ﻟﺬﺕ ﺑﻮﮔﻮ
ﺻﺤﺮﺍ ﻧﻮﮔﻮ ﺩﻩ، ﺟﻨﮕﻠﻪ ﻣﻮﻻﯾﻪ
ﺧﺮﺳﻪ ﺷﮑﻢ ﺑﺘﺮﮐﺴﻪ ﺻﺤﺮﺍﯾﻪ
ﭼﺎﭼﯽ ﮐﻨﺎﺭ ﻓﻮﺟﻪ ﻧﻮﺷﻮﺳﺘﻪ ﺍﺳﺒﺎﺏ
ﻗﺎﺑﻠﻤﻪ ﻡ ﺗﯿﺎﻥ ﻭ ﮐﺎﺳﻪ ﺑﻮﺷﻘﺎﺏ
ﮐﻠﻪ ﺧﺎﻧﻪ ﻣﻮﺷﺘﻪ ﺑﻪ ﭼﺎﻩ ﺩﮐﻔﺘﻪ
ﺟﻪ ﺧﺴﺘﮕﯽ ﮔﺎﻭِ ﻋﯿﺎﻝ ﻭﺍﮐﻔﺘﻪ
ﻧﺠﺴﺘﻪ ﺳﻔﺮﻩ ﻭﺍ ﺭﻭﻭﺍﺭ ﺷﻮﺭ ﺯِﺋِﻦ
ﺍﺳﺘﮑﺎﻧﺎﻥ ﺳﻪ ﻣﺮﺗﺒﻪ ﮐﻮﺭ ﺯِﺋِﻦ
ﮐﻤﺮ ﺩَﻭَﺩ ﯾﺎﻭﺭ ﺍﯾﺴﺎ ﯾﺎﺭﺍﻕ ﭼﯽ
ﮐﺎﺭﮔﺮﻩ ﻋﺎﺩﺗﻪ ﮐﺎﺭﻩ ﺳﻨﮕﯿﻦ
ﮔﺪﺍﺧﺎﻧﻪ ﻡ ﺯﺍﯼ ﻓﻮﺟﻪ ﻟّﺸﮏ ﻭ ﻟّﻮّﺭ
ﺍﯾﺘﺎﻡ ﻧﯿﺒﻪ ﻫﻤﻪ ﺑﻨﯽ ﺳﺮ ﺑﻪ ﺳﺮ
ﺍﯾﺘﺎ ﮐﺮﻩ ﺧﺎﺵّ ﻭِﻟﯿﺸﺘﺎﻧﺪﺭﻩ
ﺍﻭﯾﺘﺎ ﺍﯾﺘﺎ ﮔﻮﺷﻪ ﻧﯿﻮﯾﺸﺘﺎﻧﺪﺭﻩ
ﺩﻭﺗﺎﻡ ﮐﺮﻩ ﻣﻮﺭﻏﻪ ﻻﻧﻪ ﻭﺍﮐﻮﻧﯿﺪ
ﻫﻮﻟﯽ ﻫﻮﻟﯽ، ﺍﻭﺭﺩﮐﺎﻧﻪ ﺟﺎﮐﻮﻧﯿﺪ
ﺗﺎﺯﻩ ﺳِﺠِﻠﺪﻩ ﺑﺰﻩ ﭘﻮﺷﺘﯽ ﺟﯿﺮﯼ
ﻧﯿﺸﺘﺎﺑﻮ ﺷﻪ ﮔﺎﻭﻩ ﭼﻮﻣﺎﻥ ﺗﯿﺮ ﭘﯿﺮﯼ
ﺯﻧﺎﯼ ﻭﺍﻭﺭﺳﻪ ﺷﯿﺮﯼ ﯾﺎ ﺷﺎﻟﭽﯽ؟
ﮔﺎﻭ ﺑﻪ ﺯﺑﺎﻥ ﺑﺎﻣﻮ ﻣﮕﺮ ﺷﻮﺧﯿﻪ
ﺍﻥ ﻫﻤﻪ ﺧﺮﺝ ﻭ ﻣﺨﺎﺭﺝ ﻓﺎﺩﻡ، ﺧﻮﺍﺳﺘﯽ ﻣﮕﺮ ﮔﺎﻭ
ﺑﺒﻪ
ﻣﯽ ﻧﺎﻡ ﻣﻮﺩﺍﻡ
ﭘﻮﻝ ﺑﺪﺍﺭﯼ ﻓﻠﮏ ﺗﯽ ﻓﺮﻣﺎﻥ ﺑﺮﻩ
ﺗﯽ ﺍﺣﺘﺮﺍﻡ ﮐِﺨﻮﺩﺍ ﺟﺎﻡ ﺑﯿﺸﺘﺮﻩ
ﺁﺁﺁﺥ ﺗﻮ ﻧﺎﻧﯽ ﭘﻮﻝ ﭼﯿﮑﺎﺭﺍﻥ ﺍﻧﺠﺎﻡ ﺩﯾﻬﻪ !
ﺍﯾﻤﺎﻡ ﺣﻮﺳﯿﻨﻪ ﺳﺮ ﻩّ ﭘﻮﻝ ﻭِﻭِﻩ
ﺧﻮﺷﺎﻧﻪ ﺍﯾﻤﻀﺎﯾﻪ ﻭِﻟﯿﺸﺘﯿﺪ ﻣﺮﻩ
ﺍﯾﺘﺎ ﺧﻮﺭﻡ ﻧﺎﻡ ﺑﯿﻨﻮﯾﺸﺘﯿﺪ ﻣﺮﻩ
ﻧﺎﻧﯽ ﭼﻮﺗﻮ ﮐِﺨﻮﺩﺍ ﻻﻝ ﺑﻤﺮﺩﻩ
ﮔﺐ ﮔﺒﻪ ﺳﺮ ﺁﻭﺭﺩﯼ ﺧﯿﺮ ﻧﻮﺧﻮﺭﺩﻩ
ﻧﺎﮐﺴﻪ ﺟﺎﻧﻪ ﮔﻮﺵ ﻓﻮﻭُﺳﺘﺎﻧﺪﻭﺑﻮ
ﺧﻮ ﺳﯿﺒﯿﻠﻪ ﮔﻮﺷﻪ ﺟﻮﻭﺳﺘﺎﻧﺪﻭﺑﻮ
ﺗﻮ ﮐﯽ ﺩﺍﻧﯽ ﮐﻢ ﺑﯿﻨﻪ ﺍﻭﻥ ﺯﻟﺰﻟﻪ
ﺧﻮﺍﺳﺘﯽ ﻣﯿﺠﺎ ﺍﯾﻤﻀﺎ ﻓﺎﺩﻩ ﻭﻟﻮﻟﻪ
ﯾﻌﻨﯽ ﮐﯽ ﺑﻠﻪ ﺳﻮﺍﺩ ﺩﺍﺭﻣﻪ
ﻫﭽﯿﻦ ﻧﯿﻪ ﻭﮐﯿﻠﻪ ﻫﺮ ﮐﺎﺭﻣﻪ
ﻣﻨﻢ ﺩﺍﻧﯽ، ﻣﯽ ﺩﺳﻪ ﻣﯽ ﭘﻮﺷﺖ ﺑﺰﻡ
ﻣﯽ ﻧﺎﻣﻪ ﺟﯿﺮﯼ ﺍﯾﺘﺎ ﺍﻧﮕﻮﺷﺖ ﺑﺰﻡ
ﻣﻦ ﭼﻪ ﺩﺍﻧﻢ ﮐﯽ ﺑﻮﮐﻮﺩﯾﺪ ﮐﻮﻣﺴﯿﻮﻥ
ﮔﺎﻭﺍ ﮔﻮﺳﺎﻟﻪ ﭼﺎﮐﻮﺩﯾﺪ ﺍﻭ ﺩﻭﺭﻭﻥ
ﮔﺎﻭِ ﺯﻧﻪ ﮔﻮﺵ ﺗﺎ ﺑﺎﻣﻮ ﮔﻮﺳﺎﻟﻪ
ﺟﻐﺪ ﻣﺎﻧﺴﺘﺎﻥ ﺑﻨﺎ ﺳﺮ ﺑﻪ ﻧﺎﻟﻪ
ﺧﻮ ﺩﯾﻮﺍﻧﻪ ﺗﺎﺳﻪ ﯾﻬﻮ ﺁﺏ ﺩﻭﮐﻮﺩ
ﺻﺤﺮﺍ ﺩﮐﻔﺖ ﻋﺎﻟﻤﻪ ﺧﻮ ﺳﺮ ﻓﻮﮐﻮﻓﺖ
ﺍﺳﺎ ﺑﯿﺪﯾﻦ ﭼﯽ ﺧﺒﺮﻩ ﺍﺯﺩﺣﺎﻡ
ﺩﺭﺟﮑﻪ ﻭﺭ، ﺩﯾﻮﺍﺭﻩ ﺳﺮ، ﭘﻮﺷﺘﻪ ﺑﺎﻡ
ﻫﺮﺍ ﺑﻮﮐﻮﺩ، ﺧﻮ ﺧﺎﺷﻪ ﺟﺎﻧﻪ ﺑﺰﻩ
ﻣﻮﺷﺘﻪ ﻣﺮﻩ ﺧﻮ ﺳﺮﻩ ﺗﺎﻧﻪ ﺑﺰﻩ
ﭼﯿﻠﯿﮏ ﺯﻧﺎﻥ ﺑﻮﮔﻮﻓﺘﻪ ﺧﺎﮎ ﺑﺘﯽ ﺳﺮ
ﺣﻘﺎ ﮐﯽ ﮔﺎﻭﯼ ﮔﺰﻧﻪ ﺑﺘﯽ ﻗﺪ
ﺗﻮ ﻧﺎﻧﯽ ﮔﻮﺳﺎﻟﻪ ﺑﺰﯾﻦ ﮔﺎﻭﺍ ﺑﻪ
ﻫﺮ ﺳﮓ ﻭ ﻧﺎﺳﮓ ﺗﺮﻩ ﻗﺼﺎﺑﺎ ﺑﻪ
ﻗﺤﻄﯿﻪ ﻧﺎﻡ ﺑﻮ ﺧﺎﮐﻪ ﻋﺎﻟﻢ ﺗﯽ ﺳﺮ
ﺗﯽ ﭘﻮﻝ ﺣﺮﺍﻡ ﺑﻮ ﺧﺎﮎ ﻋﺎﻟﻢ ﺗﯽ ﺳﺮ
ﺧﻮﺍﺳﺘﯽ ﺧﻮ ﺩﺳﺘﺎ ﺯﯾﺮﻩ ﺳﺎﻃﻮﺭ ﺑﻨﻪ
ﺳﺎﻃﻮﺭﻩ ﺟﯿﺮﯼ ﺧﻮ ﺩﺳﻪ ﺑﯿﺸﮑﻨﻪ
ﮔﺎﻭ ﺩﻩ ﻫﺴﺎ ﻣﯿﺖ ﻗﺒﺮﺳﺘﺎﻧﻪ
ﭘﺮﮐﻪ ﺍﻭﻧﻪ ﭘﺎﭼﮑﺮﻩ، ﺣﯿﺮﺍﻧﻪ
ﻣﻮﺷﺘﻪ ﻣﺮﻩ ﺧﻮ ﺳﺮﻩ ﺗﺎﻧﻪ ﺯﯾﯽ
ﻧﺎﻟﻪ ﮐﻮﺩﯼ ﺧﻮ ﺳﺮﻭ ﺟﺎﻧﻪ ﺯﯾﯽ
ﻓﺮﺩﺍ ﻩ ﮔﻮﺳﺎﻟﻪ ﺑﺰﯾﻦ ﮔﺎﻭﺍ ﺑﻪ
ﻫﺮﺳﮓ ﻭ ﻧﺎ ﺳﮓ ﻣﺮﻩ ﻗﺼﺎﺑﺎ ﺑﻪ
ﮔﻔﺘﯽ ﻭﺍﮔﻔﺘﯽ ﺍﻧﻘﺪﺭ ﮐﺦ ﮐﻮﺩﯼ
ﺳﺮﻣﺎ ﻣﯿﺎﻥ ﺁﺩﻡ ﺍﻭﯾﻪ ﯾﺦ ﮐﻮﺩﯼ
ﺳﺮِ ﭼﺮﺍﻍ ﺑﻮ، ﻫﻤﻪ ﺩﺳﮑُﻞ ﺑﺰﻥ
ﺗﻤﺎﺷﺎﺧﺎﻧﻪ ﺑﺎﻣﻮﺑﯿﺪ ﻣﺮﺩ ﻭ ﺯﻥ

پنل اس ام اس رایگان

پرند پیامک ابزار قدرتمند برای ارسال و دریافت پیامک است. این سرویس به شما کمک می کند تا بصورت رایگان شماره دلخواه خود را انتخاب نمائید و امکاناتی نظیر : ارسال و دریافت پیامک، ارسال تبلیغاتی بر اساس بانک شماره موبایل کل کشور، کدپستی، منطقه ای، مشاغل، اصناف، ارسال به BTS و محدوده تحت پوشش، سن و جنسیت، پشتیبانی از اپراتورهای 1000، 2000، 3000، 50001، 50002، 50004، تلفن ثابت 021 و ماژول هایی مانند دفترچه تلفن، منشی پیامک، انتقال پیامک، کدخوان، نظرسنجی، مسابقه، ارسال زماندار به همراه وب سرویس و API برنامه نویسان با تعرفه ارسال 105 ریال استفاده نمائید. همچنین شما بلافاصله پس از ثبت نام در پرند پیامک 3 شماره اختصاصی رایگان و پنل اس ام اس رایگان نیز دریافت می کنید.

newsletter_06

نظرات
نام و نام خانوادگی  
آدرس ایمیل  
آدرس سایت